Астанада халықаралық өнер фестивалі өтеді
8 Қазан, 2014 19:43
ҚР Мәдениет және спорт министрлігінің ұйымдастыруымен шетелдерде тұратын отандастардың қатысуымен халықаралық өнер фестивалі өткізіледі.
Фестиваль аясында «Бір мақсат, бір мүдде, бір болашақ» атты ақындар мүшәйрасы, термешілер сайысы және суретшілер көрмесі ұйымдастырылады, деп хабарлады МСМ.
Аталған шараға ҚР Парламенті Мәжілісінің депутаттары, зиялы қауым өкілдері, өнер майталмандары және алыс-жақын 20-ға жуық шет елден қазақ диаспорасы өкілдері, мәдени орталықтарының жетекшілері және өнерлі жастары арнайы шақырылады.
Сайыс қорытындысы бойынша жеңімпаздар диплом, алғысхаттар және ақшалай сыйлықтармен марапатталатын болады.
