Қарағанды облысында осы жылы 15 сумен жабдықтау нысанын құру жоспарланған –әкімдік

8 Қазан, 2014 11:43

«Ақ бұлақ» бағдарламасын жүзеге асыру барысында соңғы үш жылда 50 сумен жабдықтау нысаны салынып, пайдалануға берілді. Сондай-ақ 800 км-ге созылған сутартқыш жүйесі жөнделді, деп облыстық энергетика және ТКШ басқамасының басшысы Сергей Касимов Облыс әкімі Нұрмұхамбет Әбдібековтің төрағалығымен өткен жиында баяндама жасады.

Бұл жүйе ауыл-ауылдарға жетіп, 150 мың тұрғынды сапалы, таза сумен қамтамасыз етіп отыр, деп хабарлады облыс әкімдігі.

Ағымдағы жылда Ақтоғай, Жаңаарқа, Бұқар жырау, Ұлытау аудандары мен Қарағанды, Теміртау, Приозерск, Сәтпаев қалаларында орналаспақ 15 сумен жабдықтау нысанын құру жоспарланған.

«Ауыл-аймақтардағы сумен жабдықтау обьектілері құрылыс жұмыстарын аяқтауға жақын. Қазан айында олар пайдалануға берілмек.

Осының нәтижесінде 2015 жылдың басында 224 ауыл орталықтандырылған сумен жабдықтау нысандарымен қамтамасыз етіледі», - деді С.Касимов.

Бұл облысымыздағы ауыл аймақтардың – 53,5%, деді ол.

«Ақ бұлақ» бағдарламасы аясында 2020 жылға дейін 93 сумен жабдықтау жүйесі, 116 ауылда құбырларды қайта құру жоспарланған.

Бағдарлама критериилеріне сәйкес келмейтін (адам санының аздығы, әлеуеті төмен) 110 ауыл жоспарға енбеген.

Жиын соңында аймақ басшысы нақты тапсырмалар берді.