Павлодар облысының агроөнеркәсіп кешенін қаржыландыру үшін 1,3 млрд теңге бөлінді
19 Қыркүйек, 2013 10:27
Павлодар облысында «Бизнестің жол картасы-2020» бағдарламасы бойынша ауыл шаруашылығының жобаларын дамыту үшін 1 млрд 300 млн теңге бөлінді, деп хабарлайды облыстың ауыл шаруашылық басқармасы.
«Ағымдағы жылы «Бизнестің жол картасы-2020» бағдарламасының бірінші бағыты бойынша Павлодар облысының агроөнеркісіп кешенінің инфрақұрылымын қаржыландыру үшін республикалық бюджеттен 1 млрд 300 млн теңге бөлінді. Оған қоса, суармалы егін шаруашылығын дамыту үшін – 1 млрд 100 млн теңге қарастырылған», - деп хабарламада көрсетілген.
Басқарманың мәліметінше, бөлінген қаражат 930 мал басын құрайтын сүт фермасының құрылысына бағытталған және суармалы егін шаруашылығы бойынша 770 га жер қалпына келтірілуде, «ҚХ «Тоғас» ЖШС және Железин ауданында суармалы егіншілікке 8300 га аудан бөлінентін агроқала құрылысын жүргізу жоспарлануда.
