• Басты
  • Молдовалық дипломаттарға этносаралық толеранттылық пен қоғамдық келісімнің қазақстандық моделі таныстырылды - ҚХА

Молдовалық дипломаттарға этносаралық толеранттылық пен қоғамдық келісімнің қазақстандық моделі таныстырылды - ҚХА

7 Қазан, 2014 10:51
Астана қаласында Бейбітшілік және келісім сарайында Қазақстан халқы Ассамблеясы Төрағасының орынбасары – Хатшылық меңгерушісі Ералы Тоғжанов Молдова Республикасының Қазақстан Республикасындағы Елшісі Андрей Галбурмен кездесті.

Е.Тоғжанов А.Галбурды ҚХА-ның құрылу тарихы, конституциялық мәртебесі, міндеттері мен этносаралық толеранттылық және қоғамдық келісімді нығайту бойынша атқарып отырған жұмыстары, ҚХА атынан сайланған депутаттардың қызметі және ассамблеяның халықаралық әріптестіктері туралы ақпараттармен таныстырды.

«Кездесу барысында Елбасы, Ассамблеяның Төрағасы Нұрсұлтан Әбішұлы Назарбаевтың этносаралық бейбітшілік пен келісімді қамтамасыз етудегі саяси жігері атап өтілді», - делінген хабарламада.

Е.Тоғжанов ҚР Президентінің Қазақстанда 2015 жылды Қазақстан халқы Ассамблеясының Жылы деп жариялағаны жөнінде айтып, Елші А.Галбурды ҚХА-ның XXII мерейтойлық сессиясына шақырды.

Өз кезегінде А.Галбур Молдова Республикасы Қазақстанның жүргізіп отырған бейбітшілік және келісім саясатының тәжірибесін жоғары бағалайтынын және екі ел арасындағы ынтымақтастықты нығайту қажеттілігі жөнінде айтты.

Барлық жаңалықтар