Елбасы «Шеврон» компаниясының басшылығымен мұнай-газ саласындағы бірлескен жобаларды жүзеге асыруды талқылады
6 Қазан, 2014 17:23
Мемлекет басшысы «Шеврон» компаниясы Директорлар кеңесінің мүшелері мен «Шеврон» компаниясы Директорлар кеңесінің төрағасы Джон Уотсонмен кездесті, деп хабарлады Ақорданың баспасөз қызметі.
«Кездесу барысында Қазақстанның «Шеврон» компаниясымен отын-энергетика және инвестиция салаларындағы ынтымақтастық мәселелері талқыланды», - делінген хабарламада.
Д.Уотсон Елбасына компанияның қазіргі қызметі мен біздің еліміздегі мұнай-газ жобаларын жүзеге асыру барысы туралы баяндады.
Кездесу барысында Қазақстанның «Шевронмен» ынтымақтастық мәселелері талқыланды. Атап айтқанда, мұнай-газ саласында бірлескен жобаларды жүзеге асыру, сондай-ақ компанияның мемлекеттік индустриялық-инновациялық даму бағдарламасын іске асыруға қатысуы туралы сөз қозғалды.
