Қызылорда облысында мектеп пен балабақша ашылды (ФОТО)

Ауылдық мектеп 600 орынға шақталған. Ал, «Алпамыс» балабақшасы 280 баланы қабылдайды.

2013 жылы мектеп ғимараты апатты болып танылды, бюджеттен 600 орындық мектеп құрылысына қаржы бөлінді. Мектепте 32 оқу кабинеті, 2 медициналық және 1 методкабинет, 7 лаборатория, 50 орындық кітапхана, акт залы, спорт залы, асхана т.б. бар.

Айта кетерлігі, балабақшаның құрылысы өткен жылы басталған болатын. Екі қабаттық ғимарат қазандық, трансформаторлық қондырғы, автотұрақпен жабдықталған, ол 116 бөлмеден тұрады, оның ішінде 72-сі - топтарға арналған.

Аймақ басшысы Қырымбек Көшербаев мектеп пен балабақшаның  ашылуымен тұрғындарды құттықтап, әлеуметтік нысандардың құрылысы облыстың дамуына үлкен әсер ететінін атап өтті.

«Елбасының саясатына сай, елімізде білім беру саласын дамытып, өркендетуге ерекше көңіл бөлініп отыр. Әсіресе, үш ауысыммен оқытатын және апатты жағдайдағы мектептер мәселесін шешу бағытында үлкен істер қолға алынып жатқанынан барша жұрт хабардар. Басты мақсат – әр баланың сапалы, лайықты білім алуы үшін барынша жағдай жасау. Осы орайда, Қызылорда облысында бұл саланы дамытуда зор жұмыс атқарылып келеді», – деді облыс әкімі Қ.Көшербаев.