Ақмола облысында «Үздік әлеуметтік жоба» көрмесі ашылады

Шара мүмкіндігі шектеулі жандарға қолдау көрсету мақсатында ұйымдастырылған. Шара 3 блок бойынша өтеді: арнайы әлеуметтік көмек көрсету; балалар шығармашылығын дамыту; өзге сала – әлеуметтік жобалар,деп хабарлады «Ақмола медиа орталығы».

Бүгінгі таңда көрмеге қатысу үшін 9 өтінім қабылданды. Оның ішінде «Үміт жолы» жобасы да бар. Жобаның мақсаты: қоғамдық өмірге мүгедектерді тарту; көзі нашар көретін мүгедектерге жұмыс орнын қарастыру; мүгедектерді оқыту мен жұмысқа орналасуға көмек көрсету; мүмкіндігі шектеулі жандардың тұрмыстық өмірін жақсартуға жағдай жасау. «Сен жалғыз емессің» жобасы балаларға көмек көрсетуге бағытталған, балалардың қарауда болуы және оны алдын алудың шараларын өткізу; салауатты өмір салты, отбасылық құндылықтар мен дәстүрді насихаттау. «Мейірімді жүрек» жобасы «Ақмола облысының мүгедек балаларын қолдау қауымдастығы» АҰ Жарқайың филиалы халықтың жеке құндылықтарына, қажеттіліктеріне назар аударатын бағыт.