Ақмола облысында «БЖК-2020» бағдарламасын жүзеге асыруға 1,6 млрд теңге бөлінді

««Жаңа бизнес-бастамаларды қолдаудың» бірінші бағыты бойынша өңірлік үйлестіру кеңесі 30,3 млрд теңгенің 184 өтінімін мақұлдады, оның ішінде осы жылы 7,5 млрд теңгенің 37 өтінімі мақұлданды. «БЖК-2020» бағдарламасы жұмыс істегелі бері 1,2 млрд теңге субсидияланды», - деп мәлімдеді «Даму» кәсіпкерлікті дамыту қоры» АҚ» Ақмола облысы бойынша аймақтық өілдігінің бас менеджері  Айсұлу Әубәкірова.

«БЖК-2020» бойынша Сандықтау ауданында жүк және жеңіл көліктердің техникалық байқауы мен  техникалық бақылауын жүзеге асыратын орталық ашылды, ол тәулігіне 50 көлікке қызмет көрсетеді.

Кәсіпкер Доға Доқаевқа жобасын жүзеге асыру үшін «Бизнестің жол картасы-2020» бағдарламасы қолдау көрсетті. «Даму» қорында ол консультациядан несие алуға дейінгі кезең бойынша кеңес алды.

Айта кетерлігі, кәсіпкер зейнеткерлер мен мүгедектерге жеңілдіктер жасап тұрады. Жоба аясында 5 жаңа жұмыс орны ашылды, сондай-ақ, Сандықтау ауданында бұрын-соңды болмаған  әмбебап ғимарат жөндеуден өтті.