• Басты
  • Ертең Алматыда бір күндік халықаралық веложарыс өтеді

Ертең Алматыда бір күндік халықаралық веложарыс өтеді

4 Қазан, 2014 15:04
Ертең Алматыда 1.1 санатындағы бір күндік халықаралық «Тур Алматы-2014» веложарысы өтеді.

Ұйымдастырушылардың айтуынша, шараға әлемдік деңгейдегі 20 команда қатысады. Олардың арасында Astana Pro Team, Katusha, Giant-Shimano, Movistar, Omega Pharma – Quick-Step, сонымен қатар өткен жылғы Bardiane Valvole, CCC Polsat, Synergy Baku Cycling Project қатысушылары бар.

«Тур Алматы» веложарысының қонағы ретінде 2014 жылғы «Тур-де-Франс» жеңімпазы Винченцо Нибали келмек.

«Тур Алматы-2014» жарысында спортшылары 31 шақырымдық 6 айналымды жүріп өтлері тиіс.

«Жарыс «Алматы», «Kazsport» секілді отандық телеарналар мен әлемдегі ірі арналардың бірі «Eurosport»-тан тікелей эфирде көрсетіледі», - делінген хабарламада.

Барлық жаңалықтар