Елордалық ЖОО студенттері футболдан Ұлттық студенттік Лига турниріне қатысады

4 Қазан, 2014 13:05

Бүгін Назарбаев Университеті базасында Қазақстан Республика білім және ғылым министрі Аслан Сәрінжіповтың қатысуымен Астана қаласының жоғары оқу орындарыны студенттерінің арасында футболдан турнир өтеді, деп хабарлайды ҚР БҒМ.

Аталмыш шара Қазақстан Республикасы Білім және ғылым министрлігі мен Қазақстанның футбол федерациясы арасында биылғы жылдың 12 мамырында құрылған ынтымақтастық туралы меморандум аясында өтуде.

Айта кету керек, турнирге Назарбаев Университеті, Л.Н.Гумилев атындағы Еуразия Ұлттық университеті, С.Сейфуллин атындағы Қазақ агротехникалық университеті, Тұран-Астана Университеті, «Астана» Медициналық Университеті, Қаржы Академиясы мен Қаржы полициясы Академиясы студенттері қатысады.

Сонымен қатар алдағы уақытта бұқаралық спортты дамыту мақсатында бұл шараға республиканың өзге де студенттерін тарту жоспарланған.

Турнирдің басты мақсаты – спортты мемлекеттік сасаттың басым бағыттарының бірі ретінде дамыту, бұқаралық футболды насихаттау мен Қазақстанда салауатты өмір салтын студент жастар арқылы дамыту.

Барлық жаңалықтар