• Басты
  • Астанада травматология мен ортопедияға инновациялық технологиялар енгізу жайы талқыланды

Астанада травматология мен ортопедияға инновациялық технологиялар енгізу жайы талқыланды

4 Қазан, 2014 12:35
Астанадағы травматологтар мен ортопедтердің II съезінде травматология мен ортопедияға инновациялық технологиялар енгізу жайы талқыланды.

Съезд жұмысына таяу және алыс шетелдерден 10 мемлекеттен: Белоруссия, Германия, Қырғызстан, БАӘ, РФ, Тәжікстан, Түркия, Өзбекістан, Эстония және т.б. ғалымдар, травматолог-ортопед мамандар қатысты.

«Съезд барысында Қазақстан және оның халқы аз қоныстанған аймақтар, елді мекен және мамандандырылған көмек көрсету орталықтары арасындағы үлкен арақашықтық үшін өте өзекті боп келетін травматология және ортопедияда инновациялық технологияларды енгізу және қолдану, ортопедиялық-травматологиялық көмек ұйымдастыру, жарақаттанушылықтың алдын алу мәселелері бойынша бірнеше пленарлық және секциялық отырыстар өткізіліп жатыр», - деп хабарлайды ҚР Денсаулық сақтау және әлеуметтік даму министрлігі.

«Жарақаттар мен сүйек және буын ауруларын диагностикалауда әрқашан басты орын алатын, ал соңғы он жылдықта компьютерлік томография (КТ), магниттік-резонанстық томография (МРТ), ультра дыбыстық зерттеуді (УДЗ) пайдалануына байланысты қосымша дамыған сәулелі диагностиканың мәселелері де қарастырылды», - делінген хабарламада.

Конференцияның күн тәртібіне сондай - ақ, балалар ортопедиясы және травматологиясы, ортопедиялық-травматологиялық практикадағы қателіктері және асқынулардың өзекті мәселелері ұсынылды.

Съезд барысында фармацевтикалық компаниялар қазіргі заманғы медициналық жабдықтар мен медициналық мақсаттағы бұйымдарды сондай - ақ, жетекші медициналық өндіруші - фирмаларының дәрілік препараттарын ұсынды.

Съезд халықаралық тәжірибені үйрену, білімдермен алмасу, одан әрі конструктивті және өзара тиімді ынтымақтасу үшін ғылыми және іскерлік байланыстарды құру алаңына айналды.

Барлық жаңалықтар