«Бек Эйр» авиакомпаниясы Моңғолияға тұрақты ұшатын рейс ашпақшы

3 Қазан, 2014 17:34

Қазақстандық «Бек Эйр» авиакомпаниясы 4 қазаннан бастап Астана – Өскемен – Бай Өлке (Моңғолия) бағыты алғашқы рейс жасауды жоспарлауда, деп хабарлайды ҚР Инвестиция және даму министрлігі.

Бастапқы кезеңде аптасына бір рейс жасалатын болады. Жолаушы және жүк ағынының ұлғаюына қарай рейстің жиілігі көбейетін болады.

Жаңа рейстің ашылуына Қазақстан мен Моңғолияның авиация биліктері арасында өзара түсіністік жөнінде Меморандумға қол қойылуы септескендігін атап өткен жөн.

«Біз Қазақстан мен қазақ диаспорасы көп Моңғолия арасын тікелей авиация қатынасы байланыстыру жөнінде екі жыл бойы келіссөз жүргіздік. Осы жылғы мамыр айында осыған сәйкес Меморандумға қол қойылды. Бұл бастаманың қазақстандық авиакомпаниялар, оның ішінде «Бек Эйр» тарапынан қолдау тапқанына аса қуаныштымыз. Қазір бұл авиакомпания, ақыр аяғында, Моңғолияның авиация билігінің ұшуларға рұқсатын алды, сөйтіп 4 қазаннан бастап Баян Үлгийге алғашқы ұшу сапарын жасайды», - дейді ҚР ИДМ Азаматтық авиация комитеті төрағасының орынбасары Талғат Ластаев.

Барлық жаңалықтар