СҚО-да 12 оқытушы Ұстаздар күнінде демалыс-шипажай еміне жолдама алды – әкімдік

Облыс әкімі ұстаздар қауымын төл мерекелерімен құттықтады. «Отандық білім берудің дамуы мемлекеттік саясаттың басым бағыттарының бірі. Солтүстік Қазақстан облысының білім ордаларының зияткерлік әлеуетінің орасан екенін үлкен сеніммен айта аламыз. Мұнда өз ісінің хас шеберлері еңбек етеді. Олардың арасында бірнеше үкіметтік марапаттардың иегерлері, жоғары біліктілік санаттағы мамандар мен түрлі байқаулар жеңімпаздары бар», - дейді облыс әкімі Ерік Сұлтанов.

Е.Сұлтанов мақтау қағаздары мен алғыс хаттар табыстап, облыстың үздік деген ұстаздарына ҚР Білім және ғылым министрлігінің төсбелгілерін табыстады. 12 оқытушы әкімнің қолынан демалыс-шипажай еміне жолдама алды, деп хабарлайды облыс әкімдігі.

Шара соңында ұстаздар мерекесіне орай облыстың шығармашылық ұжымдары ән салып, би биледі.