Филиппиндер Қазақстанмен ынтымақтастықты кеңейтуге мүдделі
3 Қазан, 2014 15:41
ҚР Сыртқы істер министрінің орынбасары Асқар Мусинов Филиппиндер Сыртқы істер департаменті хатшысының (министр) Бірінші орынбасары Рафаэль Сергиуспен кездесті. Кездесу барысында тараптар екіжақты саяси және экономикалық ынтымақтастықты, сондай-ақ аймақтық және көпжақты өзекті мәселелер бойынша пікір алмасты.
«Филиппиндер тарапы Қазақстанмен ынтымақтастықты нығайтуға мүдделігін таныты. Сондай-ақ тараптар Филиппиннің Сыртқы істер хатшысы (министр) А.Росарионың 2015 жылдың бірінші жартысында ресми сапарын өткізуді растады», - деп хабарлайды ҚР СІМ баспасөз қызметі.
Қазақстандық дипломат еліміздің саяси және экономикалық ахуалы және Қазақстанның негізгі халықаралық бастамалары жайында хабардар етті.
Келіссөздер шеңберінде ҚР Президенті Н.Назарбаевтың Филиппиндер Республикасының Президенті Б.Акиноға ҚР-ның 2017-2018жж. БҰҰ Қауіпсіздік кеңесінің тұрақты емес мүшелігіне қолдау көрсету жөніндегі жолдауын және ЭКСПО-2017 мамандандырылған көрмеге қатысуға шақыруы хатын табыс етілді.
