• Басты
  • Астанада оқушылар арасында ЭКСПО-2017 ғылыми жобаларының фестивалі өтті
3 Қазан, 2014 12:49

Астанада оқушылар арасында ЭКСПО-2017 ғылыми жобаларының фестивалі өтті

Астана қаласындағы физика-математика бағытындағы Назарбаев Зияткерлік мектебінде ЭКСПО-2017 көрмесіне арналған Назарбаев Зияткерлік мектептері оқушылары арасында ғылыми жобалар фестивалі өтті.
Астанада оқушылар арасында ЭКСПО-2017 ғылыми жобаларының фестивалі өтті

«Көрме барысында еліміздегі барлық 16 Назарбаев Зияткерлік мектептерінен жиналған жоба авторлары мен олардың ғылыми жетекшілері ғылыми зерттеулерін, тәжірибелерін таныстырып, табиғи ресурстарды тиімді пайдалану, жер бетінде қолайлы өмір сүру ортасын қалыптастыру мен экологияны сақтау туралы ойларымен бөлісті», - деп хабарлайды ЭКСПО-2017 баспасөз қызметі.

Байқау қазылары ұсынылған жобаларды төрт аталым бойынша бағалады. Нәтижесінде «Баламалы энергия және экология», «Баламалы энергия және экономика», «Баламалы энергия және өнеркәсіп», «Баламалы энергия және технология» аталымдары бойынша үміткерлер жобасы сыналды. Барлық жеңімпаздар Ғылыми жобалар фестивалі лауреаты атағы мен құнды сыйлықтар алды.

«Болашақтың энергиясы» атты көрме сіздер үшін салынуда. Сіздер мен сіздердің ойларыңыз еліміздің болашағы. Біз қазірден бастап бүгінгі ғылыми жаңалықтардың ертеңгі уақытта еліміздің болашағына қызмет етуіне жағдай жасаудамыз», - дейді «Астана ЭКСПО-2017» ҰК» АҚ басқарма төрағасының орынбасары Александр Суворов.

Барлық жаңалықтар