Ақтөбе облысында АӨК қолдауға 3,1 млрд теңге бөлінді – ҚазАгро

«ҚазАгроның» инвестициялық портфелінде Ақтөбе облысына тиесілі 20 жоба бар. Олардың жалпы құны 17,5 млрд теңге. Атап айтар болсақ олар ірі сүт-тауарлы фермалар, заманауи жылыжай кешендері, асыл тұқымды мал шаруашылығы, өңдеуші өнеркәсіптер секілді ауылдағы маңызды өндірістік нысандар. Барлық нысандардың пайдалануға берілуімен 763 жаңа жұмыс орны ашылады. Бүгінгі таңда жалпы құны 13,6 млрд теңгенің 14 инвестициялық жобасы өндіріске енгізілді. Нәтижесінде 636 адам екі қолға бір күрек тапты», - деп хабарлайды «ҚазАгро».

Сонымен қатар «ҚазАгро» Ұлттық холдингінің қаржы операторлары облыстың ауыл шаруашылығы өнімін өндірушілеріне 824,05 млн теңгенің 412 шағын несиесін берді. Соның ішінде «Жұмыспен қамту-2020» бағдарламасына тиесілісі 539,2 млн теңгенің 320 несиесі. Ұлттық холдингтің үлескер компаниясы «ҚазАгроФинанс» АҚ Ақтөбе облысы бойынша 2013 жылы 45,2 млрд теңгенің 135 дана арнайы және ауыл шаруашылық техникаларын алу келісімін жасады.