Қарағанды облысында жыл соңына дейін ҮИИД МБ бойынша 25 млрд теңгенің 6 жобасы іске қосылады
3 Қазан, 2014 10:39
Қарағанды облысында жыл соңына дейін ҮИИД МБ бойынша 25,1 млрд теңгенің 6 жобасы іске қосылып, нәтижесінде 759 жаңа жұмыс орны ашылмақ, деп хабарлайды облыс әкімдігі.
Жыл басынан бері өңірде 18 млрд 960 млн теңгенің 4 жобасы іске қосылып, осы арқылы 435 жаңа жұмыс орны ашылды.
«Өңірдің қосымша қоры ретінде мемлекеттік және салалық бағдарламаларды іске асыруды атауға болады. Олардың жалпы қаржыландыру көлемі 96 млрд теңгені құрайды. «Бизнестің жол картасы» бағдарламасы аясында биыл 8,8 млрд теңгенің 76 жобасына қолдау көрсетілді. Нәтижесінде биылғы жылдың 8 айында 988 жаңа жұмыс орны ашылды», - деп хабарлайды әкімдік.
Сонымен қатар облыс бюджетіне 371,6 млн теңгенің салығы түсті.
