ЭКСПО аяқталғаннан кейін нысандардың бір бөлшегі Назарбаев Университетінің қарамағына беріледі
2 Қазан, 2014 17:55
ҚР Білім және ғылым министрлігі ЭКСПО аймағының бір бөлшегін Назарбаев Университетінің меншігіне беруді ұсынып отыр, бұл туралы білім және ғылым вице-министрі Тақыр Балықбаев «Қазақстан Республикасының дербес білім беру ұйымдарының кейбір заңнамалық актілеріне өзгертулер енгізу туралы» заң жобасының таныстырылымында айтты.
«ЭКСПО-2017 нысандарын тапсыру мәселелеріне байланысты «Мемлекеттік мүлік туралы» ҚР Заңына өзгертулер енгізу қарастырылған. Көрме аяқталған соң ЭКСПО-2017 инфрақұрылымын қолдану мәселелерін шешу үшін нысандардың жартысын Назарбаев Университетіне беру қарастырылды. Халықаралық көрме аяқталған соң, нысандарды қолдану мәселелері талқыланды. Себебі, Назарбаев Университеті ғылыми жоғары әлеуетке ие», - деді вице-министр.
Бүгінгі таңда университеттің алаңы 94 га жерді құрайды. «Оны сатып алу үшін 11 млрд теңге қажет. Бұл сома республикалық бюджеттен болған соң, нысандарды қаржылық қайтарымсыз беру сұрағы қарастырылуда», - деді ол.
Өкілетті органдар мен Астана әкімдігі бұл әрекеттің жүзеге асуына қарсы емес.
Камила Амирова
