Астана мектептеріне 303 жас маман жұмысқа орналасты
2 Қазан, 2014 18:56
2014-2015 оқу жылдары Астана мектептеріне 303 жас маман жұмыс істеуге келді. Астана қаласының білім беру ұйымдарында 11856 педагог жұмыс істейді, оның ішінде жоғары білімділер саны – 9941, деп хабарлады қала әкімдігінде.
«Астанада ұстаздар саны өсуде, олардың барлығы бірінші санатқа жатады. Егер 2007-2008 оқу жылдары бірінші санаттағы ұстаз саны 3530 болса, 2013-2014 оқу жылы олардың саны 5508-ге жетті. Астана мектептерінде 545 жас мұғалім бар, олардың еңбек өтілі 3 жыл», - делінген хабарламада.
Айта кетерлігі, соңғы бес жыл ішінде 1464 мұғалім жұмыста жоғары көрсеткішке ие болды, оның 96-ы төс белгісімен мараппаталды,103-і – мемлекеттік сыйлыққа ие болды, 108-і – ҚР БҒМ алғыс хаттар мен мақтау қағаздарына ие болды. Ал, 94-ы – алғыс қағаздары мен қала әкімінің алғысына бөленсе, 1063 оқытушы – Білім басқармасының жылы лебізіне ие болды.
