Қостанай облысының ауылдық жерлерінде 1100-ден астам жұмыс орны ашылады – Г.Әбдіқалықова
2 Қазан, 2014 15:03
ҚР Премьер-министрінің орынбасары Гүлшара Әбдіқалықова Қостанай облысына жұмыс сапары барысында жыл соңына дейін өңірдің ауылдық жерлерінде қосымша 1 182 жұмыс орны құрылатындығын айтты.
Вице-премьер атап өткендей, өңірде жұмыспен қамту үлесі өсуде.
«Жыл басынан бері «Жұмыспен қамту жол картасы-2020» бағдарламасын іске асыру аясында Қостанай облысында 7620 адам жұмысқа орналастырылды, оның ішінде 6 394 адам тұрақты жұмыс орындарымен қамтылды. Бағдарлама аясында жыл соңына дейін ауылды жерлерде қосымша 1 182 жұмыс орны құрылады. Мүмкіндігі шектеулі жандарды еңбекпен қамту бойынша Қостанай облысы жақсы көрсеткішке қол жеткізіп отырған аймақтардың бірі: 2014 жылдың сегіз айы ішінде 567 адам жұмысқа орналастырылған», - деді Г.Әбдіқалықова.
Қостанай өңірінде еңбек күштері тапшы болғандықтан, бағдарлама аясында оқытудан өткен азаматтарды жұмысқа орналастыру бойынша жұмысты күшейту қажеттігі атап өтілді.
