• Басты
  • Сандықтау ауылының «Балапан» шағын орталығында 64 бүлдіршін тәрбиеленуде

Сандықтау ауылының «Балапан» шағын орталығында 64 бүлдіршін тәрбиеленуде

2 Қазан, 2014 14:02
Сандықтау ауылындағы «Балапан» шағын орталығында 64 бүлдіршін тәрбиеленіп жатыр, деп хабарлайды «Ақмола медиа орталығы».

12 педагогтың жұмыс істейтін орталығында орыс және қазақ тілінде тәрбиелейтін екі топ бар. Орталықта балалар үшін асхана, ойын және демалыс бөлмелері мен спорт залы және қыдыратын аула салынған. Онда бала тәрбиелеуге барлық жағдай жасалған.

«Педагогтардың басты жұмысы – балаларды сүю. Кісі өзінің жұмысын жан-тәнімен сүйгенде ғана нағыз маман болады, ал бала тәрбиесінде бұл тіпті міндетті. Бүгінгі бүлдіршінді тәрбиелеген ұстаз ертеңгі қоғам алдында жауапты. Олар әр баланың бойындағы дарынды көре білулері керек», - дейді орталық меңгерушісі Наталья Гаркава.

«Бұның барлығы Президенттің Қазақстан халқына Жолдауы мен «Балапан» бағдарламасының іске асып жатқанының көрінісі. Аталмыш бағдарлама бойынша қаншама бала мектепке дейінгі білім беру ұйымдарымен қамтамасыз етілді. Қазіргі заманда өз ісінің маманы болу үшін ерте кезден дұрыс  тәрбие көру керек. Сандықтаулықтарға барлық жағдай жасалынған», - делінген хабарламада.

Барлық жаңалықтар