Астанада әлеуметтік аз қамтылған және жалғыз басты зейнеткерлер тегін медициналық көмек алады – әкімдік
2 Қазан, 2014 10:53
Қарттар күні қарсаңында Астанада «Ұлттық медицина холдингі» АҚ әлеуметтік аз қамтылған және жалғыз басты 30 зейнеткерге тегін медициналық көмек көрсетеді, деп хабарлайды елорданың әкімдігі.
Сонымен қатар, Ұлы Отан соғысы мен тыл еңбегінің 30 ардагеріне де тегін медициналық көмек беріледі.
Одан кейін «Шұбар», «Заречный», «Пригородный», «Тельман» шағын аудандарында тұратын зейнеткерлерге тегін флюрографиялық тексеріс жүргізіледі.
Айта кету керек, биыл қариялар күні қарсаңында зейнеткерлерге 5000 теңге көлемінде бір жолғы материалдық көмек берілмек, аталмыш көмекті алатындар саны 51 мың адам.
Естеріңізге сала кетейік, елордада 1982 жылдан бері жалғыз басты, қарт және еңбекке жарамсыз адамдарға әлеуметтік көмек көрсетілуде. Бүгінгі таңда аталмыш қызмет 298 адамды қамтыған.
