Ресейде қазақстандық модульдер негізінде жасалған күн электр стансасы іске қосылды

«Бұл біртұтас экономикалық кеңістік аясындағы жаңартылатын энергетика саласында Қазақстан-Ресей бизнесін интеграциялауға жасалған алғашқы қадам. Қазақстанда жасалған фотоэлектрлі модульдер Ресей Федерациясында жаңартылатын энергетиканы дамыту бағдарламасы бойынша күн электр стансаларын салу кезінде кеңінен қолданынылады деген сенімдеміз. Кеден одағына қатысушы мемлекеттерде шығарылған фотоэлектрлі модульдерді оқшаулау бойынша белгіленген талаптар бөлігіндегі техникалық кедергілерді жою мақсатында «Энергия солнце» МК-мен бірлесе отырып, Қазақстан мен Ресей заңнамалалық базаларын бірыңғайлау жұмыстарын қолға алдық», - деп мәлімдеді «Astana Solar» ЖШС бас директоры Вячеслав Советский.

Қуаты 250 кВт-қа тең «Наримановская» күн электр стансасы (КЭС) 2014 жылғы 29 қыркүйекте жұмыс бастады. КЭС 13 мыңдай тұрғыны бар Нариманов қаласын ыстық сумен қамтамасыз етіп отырған күн жылу стансасы қазандығының насостарына қуат береді. Станса 5000 шаршы метр аумаққа орналасқан. КЭС-нің қуат өндіруші жүйесі қуат шегі 240 Вт-қа дейін жететін 1060 күн модульдерінен құраастырылған. Бұл модульдер «Қазатомөнеркәсіп»ҰАК» АҚ-ның (Қазақстан Республикасы) еншілес кәсіпорны «Astana Solar» ЖШС-де шығарылған.

Аталмыш нысанды өңірдің таза энергетикалық секторын құрайтын Астрахань облысындағы күн стансаларының желісін құру жобасы шеңберінде Bright Capital басқарушы компаниясының қолдауымен «Энергия солнца» МК салып, іске қосты.