• Басты
  • Ақмола облысында 17 мыңнан астам қария бір жолғы ақшалай көмек алады
1 Қазан, 2014 18:58

Ақмола облысында 17 мыңнан астам қария бір жолғы ақшалай көмек алады

Ақмола облысында қала мен аудан бюджеттерінен 17 мыңнан астам қарияға 66 млн теңге көлемінде бір жолғы ақшалай көмек беру жоспарланған, деп хабарлайды облыс әкімдігі.
Ақмола облысында 17 мыңнан астам қария бір жолғы  ақшалай көмек алады

Өңірде шамамен 103 мың қария өмір сүреді. Олардың арасында зейнеткерлер, Ұлы Отан соғысының  ардагерлері, тыл ардагерлері, көпбалалы аналар бар. Облыста қарияларды әлеуметтік қолдау бойынша жүйелі шаралар қабылдануда.

«Жыл сайын 100 мыңдай қарияға қала мен аудан бюджеттерінен 255 млн теңге көлемінде ақшалай көмек көрсетіледі», - делінген хабарламада.

Сонымен қатар, облыста қариялардың күн тәртібіндегі мәселелерін шешу бойынша ауқымды шаралар қолға алынуда: медициналық, қызмет көрсету, дәрі-дәрмекпен қамтамасыз ету, көлікпен қызмет көрсету, зейнетақы, байланыспен қамтамасыз ету, түрлі қызметтер көрсету үшін бизнес құрылымдарды тарту мен қоғамдық ұйымдарды араластыру, әлеуметтік мекемелерді дамыту секілді көмектер қолға алынуда. Сонымен қатар, облыста 9 медициналық-әлеуметтік мекеме бар, онда 1122 қария өмір сүреді, оның 783-і мүгедек.

Әкімдіктің хабарлауынша, биыл «Жұмыспен қамтудың жол картасы-2020» бағдарламасы аясында 80 млн теңгеге медицианалық-әлеуметтік мекемелерге күрделі жөндеу жасалады.

Барлық жаңалықтар
3.238.184.78, 192.168.88.100