Қазақстанда 7 ай ішінде қан айналымы жүйесі ауруларынан болатын өлім-жітім 33,6% төмендеді -ДСӘДМ
Бұл мәліметтер ҚР Денсаулық сақтау және әлеуметтік даму бірінші вице-министрі С.З.Қайырбекованың төрағалығымен селекторлық режімде ана мен бала өлімін, қан айналымы жүйесі ауруларынан болатын өлім-жітімді азайту үшін жедел шаралар қабылдау жөніндегі республикалық штабтың кезекті отырысында мәлім болды.
С.З.Қайырбекова жергілікті жерлердегі мамандарды (алғашқы көмек буын дәрігерлері, мейіргерлер, әлеуметтік қызметкерлер) сапалы оқыту қажеттігіне назар аударып, мамандардың біліктілігін арттыруға бөлінетін қаражат емдеу мекелерінің өздеріне берілгенін, тиісінше қай маманды және қай жерде оқыту қажеттігі туралы шешімді әр ұйым өзі қабылдайтытын атап көрсетті.
Сонымен қатар, Біріккен ұлттар ұйымының Ведомствоаралық сарапшылар тобы 2013 жылдың майсым айында елімізге келіп, балалар мен нәрестелер өлімін жітімін тіркеу шаралары Қазақстанда дұрыс жүргізілетінін, бұл саладағы мәліметтер шынайы екенін растағаны алға тартылды.
Ғаламдық бәсекеге қабілеттілік индексі рейтингісінде нәрестелер өлімі бойынша Қазақстан 2013 жылмен салыстырғанда 17 орынға көтерілді. Бұл - еліміздегі сан мыңдаған дәрігерлердің күн сайынғы ерен еңбегінің нәтижесі.
«Сондай-ақ, Қазақстанның ұсынысы бойынша ағымдағы жылдың қазан айында халықаралық сарапшылар елімізге келіп, ана өлім-жітімі оқиғаларын тіркеу барысының шынайылығын бағалайтын болады», - деп хабарлады десаулық сақтау және әлеуметтік даму министрлігі.
Салидат Қайрбекова атқарылып жатқан барлық іс-шаралар Ғаламдық бәсекеге қабілеттілік индексі рейтингісіндегі Қазақстанның ұстанымын елеулі түрде арттыратынына сенім білдірді.
