Алматыда жылу маусымы 15 қазанда басталады

1 Қазан, 2014 16:04

Алматыда жылу маусымы 15 қазанда басталады. Алматы әкімі осыған қатысты шешімге қол қойды. Бұл туралы қала шаруашылықтарының 2014-2015 жылдары күзгі-қысқы маусымға дайындығы туралы өткен жиын барысында белгілі болды.

«Биыл жылу маусымы 15 қазанда басталады, егер тіпті орташа температура нормативтен (+8°) жоғары болса да. Денсаулық сақтау және білім нысандарына жылуға одан да ерте берілетін болады», - деді Ахметжан Есімов.

«Бүгінгі таңда энергия көздері мен инженерлік желілердің дайындығы 100%. Тұрғын үй қоры, білім және денсаулық сақтау нысандарының дайындығы да 100%. 2014-2015 жылдардағы жылу маусымында жұмсалатын энергия көздерінің көлемі 6,1 млн. Гкал. Биыл былтырғыдай ұзындығы 21 км болатын жылу жүйесі қайта жасалды, бұл бұрынғымен салыстырғанда екі есеге көп», - деп хабарлады қалалық әкімдікте.

Дегенмен, қалада ескірген жылу жүйесі әлі де жоғары. Мегаполис басшысы басты назарды апатты жағдайларды болдырмау, ТЖ-ды дер кезінде ескерту және алдын алу үшін нақтылы сараптама жасауға аударды. Жиын барысында тарифті белгілеу, оның ішінде энергоресустар тарифына қатысты мәселе талқыланды.

Барлық жаңалықтар