Алматыда тұңғыш рет халықаралық деңгейдегі жылдамдығы жоғары веложарыс өтеді
1 Қазан, 2014 19:29
Қазақстанда алғаш рет «AstanaMotors» халықаралық деңгейдегі жылдамдығы жоғары веложарыс Алматыда 2014 жылдың 4 қазанында өтеді.
«Халықаралық «Тур Алматы-2014» бір күндік жарыс қарсаңында бұл тартымды вело-шоуды Алматы қаласы әкімдігі және «Астана Моторс» КМК компаниясының қолдауымен WorldClassAlmaty фитнес клубы ұйымдастырып отыр», - деп хабарлады қалалық әкімдік.
Спринт-рейстің басты қонағы «Тур де Франс-2014» веложарысының триумфаторы Винченцо Нибали. 500 метрлік қысқа қашықтықтағы жарысқа Қазақстан, Ресей, АҚШ, Франция елдерінің 8 кәсіби командасы қатысады.
