• Басты
  • Зейнетақы төлемдерінің өсімін қарастыратын зейнетақы жүйесін жаңғыртудың тұжырымдамасы әзірленді – ДӘДМ
1 Қазан, 2014 13:32

Зейнетақы төлемдерінің өсімін қарастыратын зейнетақы жүйесін жаңғыртудың тұжырымдамасы әзірленді – ДӘДМ

Біз зейнетақы төлемдерінің өсімін қарастыратын зейнетақы жүйесін жаңғыртудың тұжырымдамасын әзірледік. Бұл туралы ОКҚ брифингінде денсаулық сақтау және әлеуметтік даму вице-министрі Светлана Жақыпова мәлімдеді.
Зейнетақы төлемдерінің өсімін қарастыратын зейнетақы жүйесін жаңғыртудың тұжырымдамасы әзірленді – ДӘДМ

«ҰОС ардагерлерінің зейнетақысы 90 мыңның аясында есептеледі. Сәйкесінше, біз зейнетақы төлемдерінің өсуін қарастыратын зейнетақы жүйесін жаңғыртудың тұжырымдамасын әзірледік. 90-шы жылдары зейнетақыға шыққан адамдардың еңбек өтілі есептелмеді, себебі олар еңбек өтілін растайтын жұмыс берушіні таба алмады, осындай жағдайға душар болған адамдарды қарастырамыз. Біз базалық зейнетақы беру механизмін өзгертеміз. Кеңестік кезеңдегідей,  91 мен 98 жылғы еңбек өтілімдері сияқты 98-жылғыдан басталған еңбек өтілімі жинақтаушы ретінде есептеле береді. Біз осы ретте базалық зейнетақының көбеюін күтеміз», - деді ол.

Оның айтуынша, зейнетақы өсімі 2017 жылы болады деп күтілуде.

«Айталық, бүгін олар 10 450 теңге алады, егер де бүгінгі күннің бағасымен есептесек кейіннен олар 20 000 алатын болады. Бұл 2017 жылдан басталады, тұжырымдамада бұл уақыттардың барлығы ескерілген, сондай-ақ, біз күн көру минимумының құрылымын өзгертуді де қарастырудамыз», - деді вице-министр.

Индира Қауметова

Барлық жаңалықтар