• Басты
  • Қазақстанда Жеңіс күнінің 70 жылдығын мерекелеуге 5 млрд теңге бөлінеді
1 Қазан, 2014 12:58

Қазақстанда Жеңіс күнінің 70 жылдығын мерекелеуге 5 млрд теңге бөлінеді

Ұлы Жеңістің 70 жылдығын тойлау мен ардагерлерді ұлықтау үшін 5 млрд теңге бөлінеді. Бұл туралы ОКҚ денсаулық сақтау және әлеуметтік даму вице-министрі Светлана Жақыпова мәлімдеді.
Қазақстанда Жеңіс күнінің 70 жылдығын мерекелеуге 5 млрд теңге бөлінеді

«Біз келер жылы Ұлы Жеңістің 70 жылдығын тойлаймыз. Шаралар жоспары бойынша ардагерлерді ұлықтау мен мерекелеуге дайындық жүргізілуде. Бюджеттен 5 млрд теңгеге жуық ақша бөлінеді, бюджеттік комиссия бұл шығынды мақұлдады, ол бір уақыттағы төлемдер мен ардагерлерді отбасы мүшелері жерленген жерге дейін көмекшімен баруының жол ақысын да қарастырады. Аталмыш шаралардың барлығы жүзеге асады», - деді ол.  

С.Жақыпова атап өткендей, 24 қазан күні ең үздік әлеуметтік жобаны таңдау бойынша көрме-байқау өтеді.

«Бүгінде елімізде өңірлік байқаулар өткізілді, 141 әлеуметтік жоба таныстырылды. Республикаға өңірлерден 21 әлеуметтік жоба ұсынылды, бұл жобалардың барлығы enbek.gov.kz сайтында жарияланды. Ол жерде белсенді дауыс беру жүргізілуде», - деді вице-министр.

Айта кетейік, бүгін Қазақстанда халықаралық қарттар күні тойлануда. Республикада әрбір оныншы тұрғыны егде жаста, олардың саны Қазақстанда 1,7 млн адамды құрайды.

Индира Қауметова

Барлық жаңалықтар