• Басты
  • «Астана Опера» Камералық залының концерттік маусымы ашылды

«Астана Опера» Камералық залының концерттік маусымы ашылды

1 Қазан, 2014 19:46
Қазан айының бірінші күні – Халықаралық музыка күніне орай дәстүр бойынша «Астана Опера» Камералық залының концерттік маусымы салтанатты түрде ашылды.

Театрдың баспасөз қызметі хабарлағандай, жаңа маусым музыкалық тосынсыйға толы, атап айтқанда, көрерменді ағымдағы жылдың соңына дейін «Bel Canto музыкалық салоны», «Сиқырлы дауыстар әлемі» және «Театрға саяхат» атты балалар қойылымдары қуантады.

«Абонементтің бір тақырып аясына біріктірілуі – биылғы маусымның жаңалығы. Бір абонементті сатып алып, бірден 3 концерттің билетін иеленуге болады, осылайша көрерменіміздің уақытын және қаржысын үнемдей аламыз. Нәтижесінде, тыңдарманның үлкен жеңілдікке қол жеткізуге мүмкіндігі бар, айталық, бірден 3 балалар концертінің абонементін сатып алса, жеңілдік 50% тең, ал үлкендерде бұл концерт бағасының үштен бір бөлігін құрайды», - дейді Камералық залдың жетекшісі Жәкенова Маржан.   

Концертке музыкалық дауыстар алуандығын паш ететін меццо-сопрано, сопрано, тенор, бас, баритон дауысты опера солисттері қатысады. Олардың орындауында әлемдік классика қоржынындағы қазақстандық және батыс еуропалық композиторлардың ең жақсы опералық туындыларынан көріністер, танымал әндер, романстар, дуэттер шырқалады.  

Барлық жаңалықтар