G-Global ақпараттық-коммуникативтік платформасы шетелдік бизнес-көшбасшыларына таныстырылды

1 Қазан, 2014 15:31

«Ғалымдардың еуразиялық экономикалық клубы» қауымдастығы үйлестіру кеңесінің тең төрағасы, Сенат депутаты Нөгербеков Назарбаев университетінде шетелдік кәсіпкерлерге G-Global ақпараттық-коммуникативтік платформасын таныстырып, оның болашағы мен жетістіктерін айта отырып, ынтымақтастыққа шақырды.

Әлемнің 35 кәсіпкері республика аумағындағы жобаларға инвестиция құю мүмкіндігін қарастыру бойынша экономиканың түрлі секторларының инвестициялық әлеуетін бағалауға және халықтың мәдениеті мен тарихын зерттеу мақсатымен елімізге келді.

«Қазақстанға бұл кәсіпкерлердің келуіне жаңа идеялар, батыл қадамдар мен бірінші сыныпты бизнес желілермен айналысатын іскерлік әлемнің көшбасшылары мен жетекшілеріне арналған әлемдегі атақты YPO ұйымы мұрындық болып отыр», - деп хабарлайды «Еуразиялық экономикалық ғалымдар клубы» қауымдастығы.

Естеріңізге сала кетейік, YPO ұйымы 1950 жылы құрылған. Бүгінгі таңда әлемнің 125 елінің 21000-ға жуық табысты жетекшілерінің басын қосып, әлем бойынша 400-дей бөлімше ашқан. YPO Intercontinental YPO ұйымының ең ірі бөлімшелерінің бірі. Оның мүшелері арасында көлік саласындағы инновациялық шешімдер ұсыну мен өндірудегі әлемдік көшбасшы болып табылатын атақты Bombardier Inc компаниясының президенті Pierre Beaudoin (Канада), Este Lauder ғарыштық корпорациясының төрағасы Leonard Lauder (АҚШ), Coors Brewery әулетінің мүшесі Pete Coors (АҚШ), C.H.Boehringer Sohn AG & Co басшысы von Baumbach Hubertus, Escada корпорациясының төрағасы Aditya Megha Mittal (Үндістан/Ұлыбритания) және басқа да бизнес көшбасшылары бар.

Барлық жаңалықтар