Қазақстанда күзгі әскер қатарына шақырту басталды
1 Қазан, 2014 10:21
2014 жылғы 1 қазанда Қазақстан Қарулы Күштерінің бөлімдері мен құрамаларын жас буынмен жасақтау бойынша медициналық және шақыру комиссиялары жұмысын бастады.
«Күзгі әскер қатарына шақыру «Әскери қызмет және әскери қызметшілердің мәртебесі туралы» Заңға және Мемлекет басшысының ҚР азаматтарын 2014 жылғы сәуір-маусым және қазан-желтоқсанда мерзімді әскери қызметке кезекті шақыру туралы Жарлығына сәйкес жүргізіледі», - деп хабарлады Қорғаныс министрлігі.
Биылғы күзде ҚР Қарулы Күштерінің қатарына 12 мыңнан астам жасты шақыру жоспарланған. Әскери бөлімдерге іріктеу және бөліп тарату кезінде жастардың әскер қатарына шақырылғанға дейін алған мамандықтары ескерілетін болады.
