Атбасарда 327 үй қалпына келтірілді – әкімдік
30 Қыркүйек, 2014 15:58
Атбасарда су тасқыны барысында қираған 352 үйдің 327-сі толықтай қалпына келтірілді, деп хабарлады Ақмола облысының әкімдігі.
Үйлерді қалпына келтіру үшін мемлекеттік қазынадан 129 млн 469,7 мың теңге бөлінген, соның 113 млн 684,4 мыңы игерілді.
«Атбасар ауданының әкімі А.Никишев «АССМ-01» ЖШС мен «Электрожеліқұрылыс» ЖШС мердігер ұйымдарының құрылыс алаңдарында 45 пәтерлі төрт тұрғын үйлерді салу барысын бақылап, апта сайын жұмыс жиналысын өткізеді», - делінген хабарламада.
Құрылыс желілік кестеге сай жүзеге асырылып жатыр. 45 пәтерлі екі үйдің шатырын монтаждау жұмыстары аяқталуға жақын. Жұмыспен «АССМ-01» ЖШС айналысып жатыр. Нысандар биылғы жылдың қазан айында пайдалануға берілмекші.
