Қазақстанда 48 ұстаз «Үздік педагог» атағына ие болды
30 Қыркүйек, 2014 10:21
Кәсіптік және техникалық білім беру жүйесі бойынша «Үздік педагог» атағына ие болған ұстаздар есімі белгілі болды, деп хабарлады Білім және ғылым министрлігі.
Байқаудың республикалық кезеңінің қорытындысы бойынша 48 жеңімпаз марапатталатын болады, олар: мектепке дейінгі және орта білім жүйесі - 32 педагог, техникалық және кәсіби білім беру жүйесі - 16 педагог.
««Үздік педагог» республикалық конкурсы жеңімпаздарын марапаттау салтанатты рәсімі Астана қаласы Тәуелсіздік сарайында 2014 жылғы 2 қазанда өтеді.Марапаттау рәсімі барысында жеңімпаздарға «2014 жылдың үздік педагогі» төс белгісі мен 1 млн. 852 мың теңге мөлшерінде сыйақы берілетін болады», - делінген хабарламада.
