Атырауда Қазақстан мен Ресей арасындағы өңіраралық ынтымақтастық форумы өтуде
29 Қыркүйек, 2014 16:01
Бүгін Атырауда Қазақстан мен Ресей арасындағы IX өңіраралық ынтымақтастық форумы өз жұмысын бастады. Форумның тақырыбы – "Көмірсутегі саласындағы инновациялар", деп хабарлады облыс әкімдігі.
Форумның панельдік сессиясы "Көмірсутегі шикізатін өндіруді арттыру саласындағы инновациялар" және "Тасымалдау және өңдеу" тақырыптары бойынша өтеді.
Сондай-ақ аталмыш форум арасында Іскерлік Кеңестің отырысы және «Kazenergy - көшбасшылық пен инновациялар" тақырыбында жастар форумы өтуде.
«Іскерлік кеңестің отырысында «Еуразиялық интеграция: бизнес-қауымдастығының көзқарасы» және «Қазақстан мен Ресейдің мұнай-газ саласы мен мұнай-газ машиналарын жасау саласындағы әріптестігі» және «Екі ел арасында трансшекаралық өзендер арқылы кеме саласын дамыту» тақырыптары бойынша өтуде», - делінген хабарламада.
