• Басты
  • Қазақстанда Қарулы Күштердің үздік сержанты анықталады
29 Қыркүйек, 2014 12:39

Қазақстанда Қарулы Күштердің үздік сержанты анықталады

«Отар» 40-шы әскери базасында «ҚР Қарулы Күштерінің Үздік сержанты» атағына кезекті VI Бүкілармиялық байқауы басталды, деп хабарлады Қорғаныс министрлігі.
Қазақстанда Қарулы Күштердің үздік сержанты анықталады

Әскери қызметшілер өңірлік қолбасшылық, бригада, батальон, рота, взвод және бөлімше үздік сержанты атағы үшін сайысатын болады.Номинация бойынша үздік механик-жүргізушіні, атқышты, көздеуші-радиотелеграфисті, саперді, дәрігерді анықтау міндеті тұр.   

«Сержанттар әскери-спорттық жарыстан, жекпе-жек ұрыстан, жауынгерлік машиналарды жүргізуден, атыс даярлығынан, радиациялық, химиялық және биологиялық қорғанудан әскери топографиядан білімдерін, шеберліктерін көрсететін болады. Маңызды сайыстың қатарында – әдеби-көркем байқауы бар», - делінген хабарламада.

Аталмыш байқау әскери қызметтің беделін арттыруға, әскери бөлімдер мен Қазақстан армиясының құрамаларындағы озық тәжірибені таратуға бағытталған.

Төрелік етуші комиссияға ҚР ҚК Бас штабы бастығының орынбасары генерал-майор М.Алтынбаев жетекшілік етеді.

«ҚР Қарулы Күштерінің Үздік сержанты» атағына арналған байқау  биылғы жылғы 4 қазан күні аяқталады.

Барлық жаңалықтар