Қызылорда облысында 478 млн теңге тұратын ШОБ-тің 4 жобасы мақұлданды – әкімдік
29 Қыркүйек, 2014 11:38
Қызылорда облысында Аймақтық үйлестіру кеңесінің кезекті отырысында жалпы құны 478 752 320 теңге болатын 4 шағын және орта бизнес субъектілерінің жобалары қолдау тапты.
«Несие пайызына мемлекеттен субсидия алуға қол жеткізгендер қатарында ЖК «Үсенбаева», «Теплотехникс2» ЖШС-і, «Мелиоратор» ЖШС-і және «Сырдария-Авто» ЖШС-і бар. Жоғарыда аталған кәсіпкерлер «Бизнестің жол картасы-2020» бағдарламасы аясында өз бизнестеріне 7 пайызбен несие алатын болды», - деп хабарлады облыс әкімдігінде.
Барлығы Қызылорда облысында жыл басынан жалпы құны 3,5 млрд теңге болатын 52 жоба мақұлданды.
