Курчатовта атом станциясын салу мәселесі 30 қыркүйекте шешіледі– Б.Сапарбаев
26 Қыркүйек, 2014 15:13
Курчатовта атом электр стансасын салу мәселесі толығымен 30 қыркүйекте шешімін табады. Бұл туралы ҚР Президенті жанындағы Орталық коммуникациялар қызметінде өткен брифингте Шығыс Қазақстан облысының әкімі Бердібек Сапарбаев мәлім етті.
«Атом электр стансасының құрылысы мәселесіне келетін болсақ, ол 30 қыркүйекте Атырауда Қазақстан мен Ресей Федерациясы басшыларының қатысуымен өтетін форум аясында нақты шешімін табады деп ойлаймын. Осы сұраққа қатысты соңғы кездесу премьер-министр Кәрім Мәсімов пен Росатом басшылығының қатысуымен Курчатов қаласында өткен. Бірақ ол кезде мемлекет басшылары нақты шешім қабылдамас бұрын тиісті материалдарды дайындау үшін тапсырмалар берілген болатын», - деді Б.Сапарбаев..
Айта кетерлігі, ШҚО-ның өндірістік өнімінің көлемі 704,9 млрд теңгені құрайды, ол өткен жылдық көрсеткіштен 8,5 пайызға жоғары. Тау-кен өнеркәсібі саласында 63,7 млрд теңгенің өнімі өндірілсе, өңдеу өнеркәсібінде 588,9 млрд теңгегенің тауары шығарылды.
