ШҚО-да жұмыссыздар саны шамамен 10,4%-ға азайды – әкім
26 Қыркүйек, 2014 12:57
Шығыс Қазақстан облысында ресми тіркелген жұмыссыздар саны 10,4%-ға азайып, 27,6 мың адамды құрады, деп мәлімдеді ОКҚ брифингінде ШҚО әкімі Бердібек Сапарбаев.
«Өткен жылдың осы уақытымен салыстырғанда әлеуметтік салада жұмыссыздар санының 4516 адамға дейін азайғаны байқалады. Ресми түрде тіркелген жұмыссыздар саны 10,4%-ға азайып, 27,6 мың адамды құрады. Жұмыссыздың деңгейі биылғы жылдың 2 маусымында 4,8% болды»,- деді әкім.
Айта кету керек, ШҚО бірнеше жылдан бері инновациялық даму саласында республикадағы көшбасшы өңірлердің біріне айналып, инновациялық өнім бойынша елімізде Астанадан кейінгі екінші орында тұр. 2013 жылғы көрсеткіш бойынша ол 109,4 млрд теңгені құраған. Инновациялық өнімдердің бестен бірі Шығыс Қазақстан облысында өндіріледі.
Индира Қауметова
