Атырауда «Kazenergy – көшбасшылық пен инновациялар» Қазақстан-Ресей» жастар форумы өтеді
26 Қыркүйек, 2014 11:13
29 қыркүйекте IX Қазақстан-Ресей өңіраралық ынтымақтастық форумы аясында Атырау қаласында «Kazenergy – көшбасшылық пен инновациялар» Қазақстан-Ресей» жастар форумы өтеді, деп хабарлайды «ТДҰА» АҚ.
Форум аясында инновацияларға мемлекеттік қолдау көрсету құралдары бойынша іске жаңа бастаған инноваторларға арналған семинар өтеді.
«Шара барысында қатысушылар инновациялық гранттарды беру тетіктерімен, технологияны коммерциялау жүйесімен және инновациялық менеджмент технологияларымен танысуға мүмкіндік алады», - делінген хабарламада.
Сонымен қатар, Жастар форумы аясында инновациялық жобалар көрмесі өтеді. Бұл көрмеде Инвестициялар және даму министрлігінің грантын алып, қалдықсыз күкірт бетондары өндірісін қолға алған «Күкіртбетон Құрылыс» компаниясының жұмыстары жұртшылық назарына ұсынылады.
