Сенатта Қазақстан мен Индонезия арасындағы ынтымақтастық талқыланды
24 Қыркүйек, 2014 18:57
Қорғаныс пен қауіпсіздік, халықаралық қарым-қатынас комитетінің төрағасы Икрам Адырбеков Индонезияның парламенттік делегациясын қабылдады. Делегация палата мүшесінің өкілі Доди Реза Алекс Ноердин төрағалығымен келді, деп хабарлады Сенаттың баспасөз қызметі.
Кездесу барысында халықаралық ұйым, инвестиция және туризм ынтымақтастығы аясындағы сұрақтар талқыланды. Сондай-ақ, EXPO-2017 қарсаңындағы іскерлік қарым-қатынастар да сөз болды.
И.Адырбековтың айтуынша, Индонезия жаһандық және өңірлік саясатта маңызды рөлге ие, сонымен қатар ол Қазақстан мен Индонезия арасындағы ынтымақтастықтың даму әлеуетін атап өтті. Индонезиялық делегат басшысы өз елінің ішкісаяси және әлеуметтік-экономикалық жағдайы туралы әңгімелеп, Астана мен Джакарта арасындағы парламентаралық диалогтың жалғасуын құптады.
