Қазақстанның 3 қаласында 121 интеллектуалды бейнекамера орнатылды
24 Қыркүйек, 2014 12:53
Астана, Қызылорда мен Шымкентте интеллектуалды бағдарламалары бар бейнекамералар орнатылды.Бұл туралы ОКҚ брифингінде ІІМ әкімшілік полиция комитетінің төрағасы Игорь Лепеха мәлімдеді.
«Шетелдік тәжірибе бойынша интеллектуалды бағдарламалары бар бейнекамералар жүйесі енгізілуде, олар автономды режимде көше оқиғасын бақылай алады. Көшеде орын алған оқыс оқиғаларды түсіріп қызметкерлердің назарын аударуға бағытталған бағдарламалар енген бейнекамералар 3 қалада орнатылды. Олардың саны-121», - деді ол.
И.Лепеха атап өткендей, бүгінгі таңда республика бойынша 3 мың бейнекамера орнатылды, оның 1500 қиылыстарда, ал 2 мыңы қоғамдық орындарда орнатылды. Сондай-ақ, соңғы кезде тұрғын үй кешендерінің аулаларына да бейнекамера орнатыла бастады.
Индира Қауметова
