• Басты
  • Алматыда жылу желілерін қалпына келтіру жұмыстары аяқталды
24 Қыркүйек, 2014 09:17

Алматыда жылу желілерін қалпына келтіру жұмыстары аяқталды

Алматыда биылғы жылға жоспарланған аулаішілік тарату жылу желісін қалпына келтіру бойынша құрылыс-монтаж жұмыстары аяқталды.
Алматыда  жылу желілерін  қалпына келтіру жұмыстары аяқталды

Алматы қалалық Энергетика және коммуналды шаруашылық басқармасының хабарлауынша, 7 нысан бойынша барлық технологиялық жұмыстар бекітілген мерзім 15 қыркүйекке дейін орындалды.

Маусым барысында 200 мм-лік және одан кіші диаметрлі 3 км тұрба алмастырылды, аймақты абаттандыру жұмыстары жасалынды: көгал төселді, асфальтты жол төсемесі салынып, бордюрлер қойылды.  

«Биылғы жылы қалпына келтіруге өткен барлық учаскелер өзінің пайдалану ресурсын тәмамдап, дереу алмастыруды талап еткен. Бүгінгі таңда ескірген желілер орнына отандық өндірістің заманауи желілері салынды. Оны пайдалану мерзімі 35 жылға дейін жетеді. Бұл алматылықтардың алаңсыз өмір сүруіне мүмкіндік береді», - делінген хабарламада.

Естеріңізге сала кетейік, биылғы жылдың 1 қыркүйегінде Алматыда магистральді жылу желісі қалпына келтірілген еді. 9 учаскедегі 10 км тұрба жөнделді. Жылумен қамту желісін жаңғырту қуат үнемдеуге жол ашты. Соңғы 3 жылда энергия шығыны 13,1% азайған.

Барлық жаңалықтар
3.237.66.86, 192.168.88.100