Павлодарлық оқушыларға өрт қауіпсіздігі бойынша интерактивті сабақ өткізілді
Интерактивті сабақты өткізудің басты мақсаты – оқушылардың өрт қауіпсіздік ережесі, өрт шыққан жағдайдағы іс-әрекет және жедел қызметтердің телефондары туралы білімдерін одан әрі жетілдіру.
«Сабақты мемлекеттік өрт бақылау басқармасының аға инженері Анна Лысикова «Балалардың отпен ойнауы» тақырыбымен ашты, осы себептермен болған жағдайлар туралы мысалдар келтірді», - деп хабарлады ведомство.
Павлодар қаласының ТЖ басқармасының қызметкерлері табиғат аясында дем алғандағы өрт қауіпсіздік ережесі туралы, орманда немесе Ертіс өзенінің жағасында болғанда қандай тәртіп сақтау керектігін айтты. Сонымен қатар, сынап деген не және оны төгіп алған жағдайдағы сақтық шаралары туралы айтылды.
Бүгінгі күні, интерактивті сабақ өткізу профилактикалық жұмыстардың және балаларды төтенше жағдайларда сақтану ережелері мен іс-әрекеттеріне оқытудың тиімді тәсілі.
Оқушылардың бойында өрт қауіпсіздік негіздерін қалыптастыру департамент қызметкерлерінің басты мақсаты.
