Астанада жүрек ауруларын инновациялық емдеудің ғылыми-тәжірибелік конференциясы өтеді

23 Қыркүйек, 2014 16:41

Астанада биылғы жылдың 24-26 қыркүйегі аралығында Еуроодақ елдерімен ынтымақтастықты кеңейту аясында жыл сайынғы «Жүрек ақаулары мен ишемиялық жүрек ауруларын емдеудегі инновация» атты халықаралық ғылыми-тәжірибелік конференция өтеді. Оны «Ұлттық ғылыми медициналық орталығы» АҚ Литвия денсаулық ғылымы университетімен бірлесіп өткізеді.

ҚР Денсаулық сақтау және әлеуметтік даму министрлігінің хабарлауынша, конференция жұмысына әлемдік деңгейдегі кардиохирургтер, анестезиолог-реаниматологтар, аритмологтар, ультрадыбыстық диагностика мамандары, дәрігер-кардиологтар қатысады. «Олар аортальді клапан патологиясын хирургиялық емдеудің өзекті мәселелерін талқылап, жүрек оталары кезіндегі басты жағдайлар мен оны алдын алудың заманауи шаралары, күрделі жүрек ақауларын емдеу, миокард инфарктін емдеу мен диагностикасының замануи әдістерін талқылайды», - делінген хабарламада.

Сонымен қатар, конференция аясында қалпына келтіру-пластикалық хирургия бойынша шеберлік сабақтары өтеді. Бұл операция кеңінен қолданысқа енгізілуі керек бірден бір ем түрі.

Өткен жылдан бастап жүрекке 800-ден астам операция жасалды, оның 280-і пластикалық. Қазақстан азаматтары үшін барлық операциялар «Саламатты Қазақстан» бағдарламасы аясында тегін жасалынады.

Барлық жаңалықтар