• Басты
  • «Жібек Жолы» фестивалінде «Аstana Ballet» арнайы эффектілермен әрленген спектакль қояды

«Жібек Жолы» фестивалінде «Аstana Ballet» арнайы эффектілермен әрленген спектакль қояды

23 Қыркүйек, 2014 19:43
Бірінші «Жібек Жолы» Халықаралық фестивалі аясында «Аstana Ballet» өнер ұжымы философиялық-психологиялық «Әлем» - Сұлулықтың дүниеге келуі туралы балетін ұсынады.

«Жер бетіне жету үшін адам жанының сынақтан қалай өткенін баяндайтын жанды баурап алар оқиға 5 қазанда «Астана Операның» негізгі сахнасында көрсетіледі», - деп хабарлады театрдың баспасөз қызметі.

Арнайы әсер беретін компьютерлік графика адам нанғысыз картиналарымен көрерменді әртүрлі әлемге: көкке, жер бетіне және астына әкетеді. Астан-кестен мен тұңғиыққа батырып, қайтадан шынайы өмірге алып келеді. Жер бетіне жеткісі келетін жапырақтары адам Жаны болып табылатын Өмір ағашын күзетуші Пірлермен бірге көрермен белгісіздікке тап болады. Артынша Жақсылық пен Жамандықтың ұлы жекпе-жегін тамашалайды, бұл бір күшті шайқас болмақшы. Кім жеңер екен және адам жанына жер бұйыра ма, ол тек белгілі мәскеулік қоюшы хореограф Никита Дмитриевскийге  мәлім.  

«Аталған балеттік спектакль әлемдік беталыс пен қазақтың би мәдениетінің дәстүрлі сарынының синтезін ажыратады», - дейді Никита Дмитриевский. 

Барлық жаңалықтар