Қарағанды облысында ағымдағы жылы ҮИИД бойынша 25 млрд теңгелік 6 жоба жүзеге асады
23 Қыркүйек, 2014 10:05
Бүгінгі таңда еліміздің Индустрияландыру картасына облысымыздан құны 500,4 млрд теңге болатын 80 инвестициялық жоба кірген. Бұл 12,4 мың жұмыс орнын ашуға мүмкіндік беріп отыр.
Бағдарламаны жүзеге асыру кезінен бастап құны 98,4 млрд теңге болатын 55 жоба іске қосылған. 3934 жаңа жұмыс орны ашылды. Осының арқасында өңірдің өндірістік өнімі 155 млрд теңгеге жетті.
«Биылғы жылда 4 жоба іске асырылды. Жыл соңына дейін 759 жаңа жұмыс орнын аша алатын, құны 25 млрд теңгеге тең 6 жоба ашылу көзделіп отыр», - деп хабарлады облыс әкімдігі.
Осыған байланысты жыл соңына дейін облысымыздың барлық өңірлерін қамти отырып 2045 жұмыс орнын аша алатын, құны 121 млрд теңгеге тең 13 жоба жоспарға алынды.
