Астанада ҚР мен ҚХР арасындағы сауда-экономикалық ынтымақтастықты кеңейту мәселесі талқыланды
23 Қыркүйек, 2014 09:01
ҚР Премьер-Министрі Кәрім Мәсімов Жалпықытайлық халық өкілдерінің жиыны Тұрақты комитетінің төраға орынбасары Чжан Баовэньмен кездесуде екіжақты сауда-экономикалық ынтымақтастықты нығайту мен кеңейтудің өзекті мәселелерін талқыланды, деп хабарлайды Премьер-Министрдің ресми сайты.
Кездесуде мұнай-газ, АӨК, энергетикалық сектор мен транзиттік-логистикалық саладағы өзара қазақстан-қытай іс-қимылының барлық қырларын қарастырды.
Кәрім Мәсімов екіжақты байланысты жандандырудың маңыздылығын айта келіп, ҚХР-мен инвестициялық ынтымақтастықты кеңейтуге қызығушылықтың жоғары екенін мәлімдеді.
Өз кезегінде, Ч.Баовэнь қазақстандық-қытай байланысының барлық салалары бойынша ынтымақтастықты нығайту мен кеңейту керектігін айтты.
«Кездесу қорытындысы бойынша, тараптар екіжақты тауар айналымын арттыруға бағытталған сауда-экономикалық ынтымақтастықты ары қарай тереңдету керектігін айтты», - делінген порталда.
