Алматыдағы Қала күнін мерекелеуге 200 мыңнан астам адам қатысты

22 Қыркүйек, 2014 19:57

Мереке аумағын кеңейту барысында аталған шараны тамашалуға келушілер 200 мың адамнан асып, рекордтық көрсеткішке жетті, деп хабарлады қала әкімдігі.

Қалалық «AppleFest» алма фестиваліне 160 000 адам келді, ал Орталық саябақта өткен «Біздің сүйікті саябақ» мәдени қойылымын 50 000 астам алматылық пен қала қонақтары тамашалады. Осылайша биыл қала мерекелері тарихында түрлі шараларды көруге келгендер саны абсолютті рекордқа жетті.

Алматыда Қала күнін мерекелеу аясында 18 негізгі шара өтті, бұл былтырғымен салыстырғанда 5-ке көп. Қала күні қарсаңында Алматыда рухани деңгейі жоғары мәдени шаралар ұйымдасмтырылды. Мысалы, жаңа «Гакку» музыка каналының ашылуына орай қазақстандық тұңғыш музыка фестивалі, Ван Гог картиналарының мультисенсорлық және Алматы туралы мультимедийлік көрмелер өтті. ОДМС-дағы қайта жөнделген «Шабыт» жазғы театрының ашылуы да қала күніне орайластырылды.

Қаланың ашық алаңдарында ұйымдастырылған түрлі жанрдағы 11 фестивальге келушілер мен тамсанушылар да көп болды.