• Басты
  • Шығармашылық кеңестер театрлардың репертуарлық саясатын үйлестіреді – Мұхамедиұлы

Шығармашылық кеңестер театрлардың репертуарлық саясатын үйлестіреді – Мұхамедиұлы

22 Қыркүйек, 2014 13:24
Шығармашылық кеңестер театрлардың репертуарлық саясатын үйлестіреді, деп ОКҚ брифингінде мәдениет және спорт министрі Арыстанбек Мұхамедиұлы мәлімдеді.

«Театрлардың басты мәселесі – бұл репертуарлық саясат. Біз шығармашылық кеңесте кадрмен қамсыздандыру және гастрольдік қызметке репертуарлық саясатты жүктейтін боламыз. Бүгінгі таңда аталмыш салада теңсіздіктер пайда болуда. Біз осы отырыста театрдың репертуары қандай болу керектігін шешеміз. Ол классика мен жергілікті драматургтердің туындысын да енгізуі керек», - деді А.Мұхамедиұлы.

Айта кетерлігі, шығармашылық кеңес орталық және жергілікті атқарушы органдар мен мәдениет ұйымдарының жұмысын шиеленістіре түседі.

Оның айтуынша, 2014 жылғы 1 қыркүйектегі ақпарат бойынша Қазақстанда  52 мемлекеттік театр, оның ішінде 9 республикалық және 43 өңірлік театрлар қызмет атқарады. Оның ішінде 3 опера және балет,24 драмалық, 8 музыкалық драма, 3 музыкалық комедия, 1 жастар,2 әзіл сықақ, 7 қуыршақ және 4 балалар мен жасөспірімдер театрлары болып бөлінеді. Қазақ және орыс ұлттық театрларынан басқа, елімізде неміс, корей, ұйғыр және өзбек ұлттық театрлары бар.

Индира Қауметова 

Барлық жаңалықтар